VIASA
He dosti, hum nahi tordenge…tahpa ta DRamendRa ta a za pathao tawh rai khata a hit ha! Km 50 âhlapa thotlâh khih liata tâtâ pamô n’awpa nata chapa pangâ n’awpa ta a moh ama hmâpa, phihmâhpa Gabbar Singh ta hmahta py hnei ta, viasa a hnei hra khiah cha kei baohrapa tlai chhao heta a syhlei hnei vei hraw sala, a rakhapa chhâ hela hnei hrawpa ei chhua kaw. Viah nah he mohnao kaw hr’ei sila, kô 1975 liata Sholay film(a action pahneichhi achhi kaw hrasala ) lia kha ta viasa leipa ta khizaw lia charei a ru zie nata viasa hneipa nohlao achhie zie a palâ pasiasa kaw!. . Ahy rai ta viasa hnei chyu ei ta, kei chhao ei viasapha chaipa ? Tom Cruise, Miley Cyrus, Cameron Diaz zy âhnabeisei kaw hraw sala, Chhaidy (pakha viapa) nata Meisavaih‘E’ Boys nahzy ei hnei hrapa vâta vâhnei â tah lei thei va na.
Kyhpachâna Hazam nah ta cha Khonô/ Khopaw liata kô ahliena a hlu tu khiah, rairuna a tlô khei thei tah tyh ei ta, viasa lia deikua la vaw châ hlei vei. Kyhpachâna liata pheiky thiepa hawhta thieh kawpa viasazy chhao, hlâta uthei viapa nata hawti viapa ama hlu viapa vâta nata ei Mapaw Paw( Ngiatu) ta ei mâlâ ta, “ Viasa na hnei chhao ta, cha Kawngrenized thei lei awpa hnei ma y” ei na vaw tah hlei leipa vâta ahy rai ei khy kaw saipa deikua he la Sermon miah ama tlei awpa hlâta chhao hmahta ei ly via aw. Eima vâ-iapa zy he Zisu kyhpachâna hawhta moto ( moto ta text ta, chat khei awpa)châta châ hlei vei, viasa deikua tlôh la Khazohpa pakha ngâlâh chakao awpa hawhta vaw châ heih tlôh vei.
Viasa vâna vâsah achhi zie he pahno ei sala cha, eima viasa thokhazy ta ama Nopaw postpaid balance ama I kaw lei awpa tlai! kuva chhao sôkha sikhua ta ama hnei nah ta ngâlâh cowboy pistol thaopa hawhta riapha kawpa ama thaoh lei awpa tlai!. Rairuna reih thai kawpa hlâta rainuna pathlâ thai kawpa chyhsa he viasa vâna vâta tlyma viasa moh vâta chhâ heta la, y thei sila ei khoh kaw tyh. Viasa vâna vâ pyly heih ta, tlâhpi rônah ngaita kawpa, tho-âna hâh hawhta âchapaochapo kawpa ta â paziah hôlôpa zy ta Nyusâh mohmiapasaina a pakhâpa hawhta, lôhlie kawpa miah a soh thei. Gabbar Singh nata a hrihruahzy ta Amitab ama thie nota, ei na hmô ei tahpa riah chi kawpa ta aru lâta vaw cha tyhpa eima hluh kaw tyh vei mâ? Viasa vâta aru lâta vaw chapâ chhao kha noza a chhi kaw nota vaw pei tiarâh hlei vei.
Cha hawhta a châ nota pawlitriks eima la pado leipa vâta, eima lôhkhy kawpazy nah ta maniah a vaw Gabbar Singh lymâpa hela noraih achhi chaimâh. He heta thyutliapa politics thata miah a pahaosa via rilipa ta ei pahno. Eima vaih liata eima Evangelist rônah kawpa nata Marâ reih thai kawpa, Pawpaw Beibei Paw ta, “ Eima Nô cha, nâ… Thohna O liata, Dawhty nah ta, ap’pasana ama vaw mohpa cha…hmô… vei ei”, a tahpa hawhta eima viasa tawh cheingei ta, hnabeisei leipa hmo eima hmô thai kaw. Eima viasa pha kawpa khiah ma ama châ eima tah no chhaota eima hnôky lâ tawhta miah pahlaw thai kaw ei ta, eima tovyuh awpa cheingei chhao hmahta kâchhie rai leita syu kawpa ta miah ama chhuna daihti zy a vaw tlô nah ta hela vâsâh achhi kaw. Pachârôh kawpa miah soh ei ta, eima hmia miah ama kha thlâh pyly heih zy chhochhi cha charohna lô pa-ao ta Tilaipi âpathu chaina lia, ama karâyna zydua chhaota pathla byu amâ chhi kaw. Paw pakha ta,“Marâpa âpamawsa kawpa nah la, barôpaohpa pabaw khai hawpa na ei na byh ei” tah ta, keima ta la, karây kawpa nah la, sâbaw tlo pabaw’pa na ei na byuh tyh ei.
Ei pachâ a rôh chai no nata ei ly chai nota ei saohiah chaipa, Chhaidy ta, “ Na hmi chhie chhie ta, nâ patlâksa kaw hra bao”, ei na za tahpâ tyh chhochhi, laihsa liata kawnfidense hnei aru kaw tyh. “Na kuvâ sôkha ta ei niepa hmahta tahmâ taihta bâh leipa ta na reih tyh bao, Zisu he, bâh leipa ta tlao reithai la”, tahpa ta viari kaw thô awpa ei na byuh kaw tyh. A reikah athôh tuhpa vâta a bie reipa sâkha ei mythei leipa cha, “ Na riachhie tu haw, tao lymâ tyh”, tahpa hi. Advice âpapiesa thai kaw vâta a biereipa, ei pyhpa châ lei ta, ei na khokhei kaw tyhpa vâta tlao a châ. Ano vâta hmophapa keima liata thata a tlô tah sala, tah chhei va na. Hmo ei taopa ei na pahâh khei kaw tyhpa vâta pakahpahâhsana Shillong gui(ghee) nahta pakhopâ lei thei heih va na. Cha hawh pyly ta Meisavaih Boys nahzy chhao, ei kuvâ ama pahryu kaw nota, nohchareih ta ama kiapâh liata palao heih awpa ei na byuhna a pasa via rili. Lôhnah khia ma ama pa-ôh tahpâ ngâ awpa ta ama pahneih silipa hmi chata, “ Hôzana, Hôzana! tahpa ta alyna vâta thata awhsâ heih awpa ei na pabyuhsa via rili! Maw reih eima vaw pai tlamaw nah ta, thata eimâ rahaothlu tyhpa zy kha Viasa lia dei ngâlâh ta na hmô awpa a vaw y.
Kheitarai châsala viasa hnei hrapa tluta rônahpa viapa hmohropa he a sôh kaw aw. Kyhreina vâta zy, atahthai leina vâta zy nata politics vâta eima viasa eimâ khytu khao leipa nahzy he sâdâ eikha pa-ô ta palôh patlâh theipa dua châ mawh ei sala cha, Chôhâ Nô daoh chhao eithô eipalih ei pangai p’awpa ei!
He dosti, hum nahi tordenge…tahpa ta DRamendRa ta a za pathao tawh rai khata a hit ha! Km 50 âhlapa thotlâh khih liata tâtâ pamô n’awpa nata chapa pangâ n’awpa ta a moh ama hmâpa, phihmâhpa Gabbar Singh ta hmahta py hnei ta, viasa a hnei hra khiah cha kei baohrapa tlai chhao heta a syhlei hnei vei hraw sala, a rakhapa chhâ hela hnei hrawpa ei chhua kaw. Viah nah he mohnao kaw hr’ei sila, kô 1975 liata Sholay film(a action pahneichhi achhi kaw hrasala ) lia kha ta viasa leipa ta khizaw lia charei a ru zie nata viasa hneipa nohlao achhie zie a palâ pasiasa kaw!. . Ahy rai ta viasa hnei chyu ei ta, kei chhao ei viasapha chaipa ? Tom Cruise, Miley Cyrus, Cameron Diaz zy âhnabeisei kaw hraw sala, Chhaidy (pakha viapa) nata Meisavaih‘E’ Boys nahzy ei hnei hrapa vâta vâhnei â tah lei thei va na.
Kyhpachâna Hazam nah ta cha Khonô/ Khopaw liata kô ahliena a hlu tu khiah, rairuna a tlô khei thei tah tyh ei ta, viasa lia deikua la vaw châ hlei vei. Kyhpachâna liata pheiky thiepa hawhta thieh kawpa viasazy chhao, hlâta uthei viapa nata hawti viapa ama hlu viapa vâta nata ei Mapaw Paw( Ngiatu) ta ei mâlâ ta, “ Viasa na hnei chhao ta, cha Kawngrenized thei lei awpa hnei ma y” ei na vaw tah hlei leipa vâta ahy rai ei khy kaw saipa deikua he la Sermon miah ama tlei awpa hlâta chhao hmahta ei ly via aw. Eima vâ-iapa zy he Zisu kyhpachâna hawhta moto ( moto ta text ta, chat khei awpa)châta châ hlei vei, viasa deikua tlôh la Khazohpa pakha ngâlâh chakao awpa hawhta vaw châ heih tlôh vei.
Viasa vâna vâsah achhi zie he pahno ei sala cha, eima viasa thokhazy ta ama Nopaw postpaid balance ama I kaw lei awpa tlai! kuva chhao sôkha sikhua ta ama hnei nah ta ngâlâh cowboy pistol thaopa hawhta riapha kawpa ama thaoh lei awpa tlai!. Rairuna reih thai kawpa hlâta rainuna pathlâ thai kawpa chyhsa he viasa vâna vâta tlyma viasa moh vâta chhâ heta la, y thei sila ei khoh kaw tyh. Viasa vâna vâ pyly heih ta, tlâhpi rônah ngaita kawpa, tho-âna hâh hawhta âchapaochapo kawpa ta â paziah hôlôpa zy ta Nyusâh mohmiapasaina a pakhâpa hawhta, lôhlie kawpa miah a soh thei. Gabbar Singh nata a hrihruahzy ta Amitab ama thie nota, ei na hmô ei tahpa riah chi kawpa ta aru lâta vaw cha tyhpa eima hluh kaw tyh vei mâ? Viasa vâta aru lâta vaw chapâ chhao kha noza a chhi kaw nota vaw pei tiarâh hlei vei.
Cha hawhta a châ nota pawlitriks eima la pado leipa vâta, eima lôhkhy kawpazy nah ta maniah a vaw Gabbar Singh lymâpa hela noraih achhi chaimâh. He heta thyutliapa politics thata miah a pahaosa via rilipa ta ei pahno. Eima vaih liata eima Evangelist rônah kawpa nata Marâ reih thai kawpa, Pawpaw Beibei Paw ta, “ Eima Nô cha, nâ… Thohna O liata, Dawhty nah ta, ap’pasana ama vaw mohpa cha…hmô… vei ei”, a tahpa hawhta eima viasa tawh cheingei ta, hnabeisei leipa hmo eima hmô thai kaw. Eima viasa pha kawpa khiah ma ama châ eima tah no chhaota eima hnôky lâ tawhta miah pahlaw thai kaw ei ta, eima tovyuh awpa cheingei chhao hmahta kâchhie rai leita syu kawpa ta miah ama chhuna daihti zy a vaw tlô nah ta hela vâsâh achhi kaw. Pachârôh kawpa miah soh ei ta, eima hmia miah ama kha thlâh pyly heih zy chhochhi cha charohna lô pa-ao ta Tilaipi âpathu chaina lia, ama karâyna zydua chhaota pathla byu amâ chhi kaw. Paw pakha ta,“Marâpa âpamawsa kawpa nah la, barôpaohpa pabaw khai hawpa na ei na byh ei” tah ta, keima ta la, karây kawpa nah la, sâbaw tlo pabaw’pa na ei na byuh tyh ei.
Ei pachâ a rôh chai no nata ei ly chai nota ei saohiah chaipa, Chhaidy ta, “ Na hmi chhie chhie ta, nâ patlâksa kaw hra bao”, ei na za tahpâ tyh chhochhi, laihsa liata kawnfidense hnei aru kaw tyh. “Na kuvâ sôkha ta ei niepa hmahta tahmâ taihta bâh leipa ta na reih tyh bao, Zisu he, bâh leipa ta tlao reithai la”, tahpa ta viari kaw thô awpa ei na byuh kaw tyh. A reikah athôh tuhpa vâta a bie reipa sâkha ei mythei leipa cha, “ Na riachhie tu haw, tao lymâ tyh”, tahpa hi. Advice âpapiesa thai kaw vâta a biereipa, ei pyhpa châ lei ta, ei na khokhei kaw tyhpa vâta tlao a châ. Ano vâta hmophapa keima liata thata a tlô tah sala, tah chhei va na. Hmo ei taopa ei na pahâh khei kaw tyhpa vâta pakahpahâhsana Shillong gui(ghee) nahta pakhopâ lei thei heih va na. Cha hawh pyly ta Meisavaih Boys nahzy chhao, ei kuvâ ama pahryu kaw nota, nohchareih ta ama kiapâh liata palao heih awpa ei na byuhna a pasa via rili. Lôhnah khia ma ama pa-ôh tahpâ ngâ awpa ta ama pahneih silipa hmi chata, “ Hôzana, Hôzana! tahpa ta alyna vâta thata awhsâ heih awpa ei na pabyuhsa via rili! Maw reih eima vaw pai tlamaw nah ta, thata eimâ rahaothlu tyhpa zy kha Viasa lia dei ngâlâh ta na hmô awpa a vaw y.
Kheitarai châsala viasa hnei hrapa tluta rônahpa viapa hmohropa he a sôh kaw aw. Kyhreina vâta zy, atahthai leina vâta zy nata politics vâta eima viasa eimâ khytu khao leipa nahzy he sâdâ eikha pa-ô ta palôh patlâh theipa dua châ mawh ei sala cha, Chôhâ Nô daoh chhao eithô eipalih ei pangai p’awpa ei!
↾↾
No comments:
Post a Comment